- Со QR-кодот од решениетоНасочете ја камерата на телефонот кон кодот. Се отвора еДанок со вашите износи: проверете ги и платете со картичка.
- Со кодот за пристапНа почетната страница внесете го кодот од решението: долу лево, до потписот, веднаш до QR-кодот (11 знаци). Цртичките и малите букви не се важни.
- Со бројот на решениетоАко немате код, на пример за постаро решение: на почетната страница „Внеси број на решение“. Внесете го бројот на решението (само бројот, на пр. 10/27-001) и ЕМБГ (за фирма ЕДБ). Се гледаат само износите, без други лични податоци.
Најчести прашања
Дали треба да се регистрирам?
Не. За плаќање е доволен кодот од решението. Профил ви треба само ако сакате на едно место да ги гледате сите обврски и уплати. Се отвора само ако вие го побарате, со кодот и мобилен број или е-пошта, без лозинка.
Платив во банка или во Службата за локални даноци, а се гледа неплатено. Зошто?
Уплатите во банка Општината ги книжи во својата евиденција по неколку работни дена, а еДанок ги прикажува по книжењето. Под износите пишува кога податоците се ажурирани. Не плаќајте повторно. Ако се гледа неплатено и по 10 работни дена, јавете се во Општината.
Можам ли да платам за друг член на семејството или за фирма?
Да. Секој што го има кодот, или бројот на решението и ЕМБГ/ЕДБ, може да плати. Потврдата за уплатата не го содржи ЕМБГ-то.
Со која картичка се плаќа и дали има провизија?
Со платежна картичка од која било банка, на страницата на банката. Точниот износ, со провизијата ако ја има, го гледате пред да продолжите кон банката.
Дали е безбедно?
Податоците од картичката ги внесувате само на страницата на банката: еДанок нив не ги гледа и не ги чува. ЕМБГ-то и контактите се шифрирани. Општината никогаш не бара податоци од картичка по телефон, SMS или е-пошта.
Го изгубив кодот или решението.
Платете со бројот на решението и ЕМБГ/ЕДБ. Нов код добивате во Службата за локални даноци, со лична карта; стариот код тогаш престанува да важи.
Што е каматата и зошто износот расте?
За задоцнето плаќање законот пропишува камата од 0,05 % за секој ден. Износот што го плаќате ја содржи каматата според податоците на Општината.
Што ако плаќањето не успее?
Ако банката го одбие плаќањето, ништо не е наплатено и може да се обидете повторно. Ако врската се прекине и не знаете дали е наплатено, не плаќајте повторно: еДанок самиот проверува кај банката во следните минути.
Каде е потврдата за уплатата?
На екранот веднаш по плаќањето, како PDF за преземање и по е-пошта ако ја оставите. Потврдата има QR-код со кој секој може да провери дека е вистинска.
Немам ЕМБГ (странец сум) или имам проблем со податоците.
Јавете се или дојдете во Службата за локални даноци. Таму ќе добиете код, а погрешните податоци се исправаат во евиденцијата на Општината.
Од кога може да се плаќа?
Онлајн-плаќањето почнува на 11 јануари 2027. QR-кодот и кодот за пристап се на самите решенија за 2027 година, што стигнуваат до 31 март 2027.
Контакт
Општина Берово, Служба за локални даноци. Телефон: +389 33 471 057.
За тоа како се чуваат вашите податоци прочитајте ја политиката за приватност.