Кој ги обработува податоците
- Контролор: Општина Берово. Таа ги утврдува и наплатува данокот на имот и фирмарината и одлучува за вашите податоци.
- Обработувач: Larco Digital ДООЕЛ Берово, што ја изработи и ја одржува апликацијата, само по упатство на Општината и според договор за обработка на лични податоци.
Кои податоци и зошто
Податоци за обврзникот: име или назив, ЕМБГ/ЕДБ, адреса, решенија, износи, уплати
Од даночната евиденција на Општината. За да ви ги прикажеме обврските и да ја евидентираме уплатата.
Правна основа: Законска обврска и јавен интерес (утврдување и наплата на локални даноци)
Податоци за плаќањето: износ, време, број на трансакција, скриен број на картичка, одговор од банката
Од банката, по плаќањето. За да ја потврдиме и книжиме уплатата и да издадеме потврда.
Правна основа: Законска обврска
Мобилен број и е-пошта
Само ако отворите профил или побарате потврда по е-пошта. За најава со еднократен код и за известувањата што ги избирате.
Правна основа: Ваша согласност (може да ја повлечете кога сакате)
Технички записи: IP-адреса, време, прелистувач
За безбедност: спречување злоупотреба на кодовите и истрага на инциденти.
Правна основа: Законска обврска за безбедност на обработката
| Податоци | Од каде и зошто | Правна основа |
|---|---|---|
| Податоци за обврзникот: име или назив, ЕМБГ/ЕДБ, адреса, решенија, износи, уплати | Од даночната евиденција на Општината. За да ви ги прикажеме обврските и да ја евидентираме уплатата. | Законска обврска и јавен интерес (утврдување и наплата на локални даноци) |
| Податоци за плаќањето: износ, време, број на трансакција, скриен број на картичка, одговор од банката | Од банката, по плаќањето. За да ја потврдиме и книжиме уплатата и да издадеме потврда. | Законска обврска |
| Мобилен број и е-пошта | Само ако отворите профил или побарате потврда по е-пошта. За најава со еднократен код и за известувањата што ги избирате. | Ваша согласност (може да ја повлечете кога сакате) |
| Технички записи: IP-адреса, време, прелистувач | За безбедност: спречување злоупотреба на кодовите и истрага на инциденти. | Законска обврска за безбедност на обработката |
ЕМБГ, ЕДБ, мобилните броеви и адресите за е-пошта се чуваат шифрирани. Пребарувањето по нив се прави без тие да се чуваат во чист облик.
Колку долго ги чуваме
| Еднократни кодови (SMS / е-пошта) | 24 часа |
|---|---|
| Најави (сесии) | до истекот, плус 30 дена |
| Испратени известувања | 2 години |
| Записи за пристап до лични податоци | 5 години (законска обврска) |
| Уплати, потврди, ревизорски записи | според прописите за сметководство на буџетските корисници |
| Профил без активност | се брише по 3 години (даночните податоци остануваат кај Општината) |
| Резервни копии | 35 дена |
| Датотеки од даночната евиденција (увоз) | се бришат веднаш по увозот |
Кој ги гледа
- Овластените вработени во Општината, секој според својата работа. Секој увид во податоците на обврзник се запишува и се проверува.
- Обработувачот, само колку што е потребно за одржување, по договорот за обработка.
- Банката што ги обработува картичките: податоците од картичката ги внесувате само кај неа.
- Давателите на SMS и е-пошта: само бројот или адресата и текстот на пораката. Пораките не содржат даночни податоци.
- Давателот на сервери во Европската Унија, каде што работи апликацијата.
Податоците не се продаваат и не се користат за реклами или профилирање.
Колачиња (cookies)
Користиме само неопходни колачиња: за да останете најавени и за краток период за кодот од решението. Нема колачиња за аналитика или реклами, па затоа нема ни барање за согласност за колачиња.
Вашите права
- да знаете кои ваши податоци се обработуваат и да добиете копија;
- погрешните даночни податоци да се исправат во евиденцијата на Општината;
- сами да го избришете профилот (мобилен, е-пошта, поврзувања); даночните податоци остануваат кај Општината;
- да ја повлечете согласноста за известувања во секое време;
- да поднесете приговор до Општината, или барање до Агенцијата за заштита на личните податоци (azlp.mk).
Контакт
За вашите права и за прашања за личните податоци: Општина Берово, телефон +389 33 471 057, или писмено до Општината. Види и условите за користење.